Ugo Jonalu Amumamu Igbo - Centre for Igbo Studies, University Of Nigeria Nsukka

(UJAI): Journal of Centre for Igbo Studies, University of Nigeria, Nsukka Vol. 1, 2023

ISSN: (Maiden Edition)
Ọ́kwà: E chedoro ikike nnwe akwụkwọ a niile. O nweghi akụkụ akwụkwọ a a ga-ebigharị n’ụdị ọ bụla, gbasaa, chekwa, ma ọ bụ dobe n’ụdị ndọrọ ọ bụla na-ebughi ụzọ nata ikike ndị
nhazị, ndị odee ma ọ bụ University of Nigeria Press Ltd. Ọyi m a gwaram gị bụ ezi ọyị! Mbipụta agba nke mbụ: 2023
Centre for Igbo Studies
University of Nigeria
Nsukka, Nigeria

Okwu Ndubata
Maka Ugo: Jọnalụ Amụmamụ Igbo
Ugo: Jọnalụ Amụmamụ Igbo (UJAI) bụ maka nkwalite mmụta asụsụ, agụmagụ, aka nka na omenala Igbo. Ndị ọhazi na-akpọ oku maka mwebata akwụkwọ nchọcha gbasara Igbo n’uju ya. Ya bụ, maka ihe ọbụla gbasara asụsụ Igbo, omenala Igbo na ihe ndị ọzọ hiwere isi n’ala Igbo dịka o si metụta asụsụ, omenala, akanka, azụmahịa, ọrụ, obibi ndụ ndị Igbo, mgbasa ndị Igbo, adịmuchu maọbụ agbammbọ ndị Igbo, mmepeanya nakwa ndọrọndọrọ ọchịchị n’ala Igbo na ebe ndị ọzọ a na-ahụ ndị Igbo.

Ugo: Jọnalụ Amụmamụ Igbo bụ otu n’ime Jọnalụ hiwere isi na Centre for Igbo Studies, nke mahadum Nsụka. Ọ na-anabatakwa akwụkwọ nchọcha a kwọrọ aka dee n’ihe gbasara
akụkọala, egwu, egwuregwu, nsirihụụwa, okpukperechi, ọdịnala, agụmakwụkwọ, nka mmụta ihe ochie, asụsụ Igbo na ihe ndị ọzọ metụtara ndị Igbo.
Ndị otu a na-akpọ oku maka nzibata akwụkwọ nchọcha ga-abụ maka Ihe gbasara asụsụ, omenala, ọdinala, na akanka. Ọ ga-adịkwa mma ma e jiri asụsụ Igbo dee ya. Mana e nwekwara ike inabata akwụkwọ/nchọcha e jiri asụsụ ọzọ dee. Ohere dịkwa ịtụlekọrịta asụsụ Igbo na asụsụ ndị ọzọ mana ihe dị mkpa bụ na a ga-eme nchọcha a nke ọma. Onye ọ bụla ga-eji asụsụ ọzọ dee nchọcha ya ga-atụgharị ụmị ya n’asụsụ Igbo. Akwụkwọ nchọcha niile a ga-ewebata ga-abụ kpọkọpị, nke na e nwebeghị ebe ọzọ e zigara ha maọbụ bipụta ha. Akwụkwọ nchọcha ọbụla e webatara ga-aga n’aka mmadụ abụọ mara ihe ekwe n’akụ n’inyocha akwụkwọ nchọcha, ndị ga-ahụ na ha dabara adaba n’usoro a chọrọ. A ga-eziga akwụkwọ nchọcha ọbụla n’aka odeakwụkwọ site n’ọwa ikuku:
ujai.igbostudies@unn.edu.ng
A ga na-ebipụta Ugo: Jọnalụ Amụmamụ Igbo ugboro abụọ n’afọ. Akwụkwọ nchọcha ga-adị n’usoro edide Times New Roman mana onye ọbụla ga-agba mbọ tinye kpọm ya ka o kwesịrị n’usoro odide Igbo. Akwụkwọ nchọcha ọbụla agaghị agafe ihu mkpụrụokwu iri asatọ maọbụ ihu akwụkwọ iri na ise nke e ji oghere ahịrị otu na ọkara (1.5) n’ogo fọntụ 12 dee. Odee maọbụ ndị odee ga-agbaso usoro nrụmaka APA nke asaa (7th edition).

Onye mbinye aka: Ọkn. Crescentia Nwaeze Ugwuona
Ngalaba lingwistics, Igbo na asụsụ Naịjirịa ndị ọzọ
07036832566 crescentia.ugwuona@unn.edu.ng

English version
Ugo: Jọnalụ Amụmamụ Igbo (UJAI)
Journal of Centre for Igbo Studies, University of Nigeria, Nsukka
Volume 1, 2023
Copyright © Center for Igbo Studies, University of Nigeria, Nsukka
ISSN: (Maiden Edition)
All Right Reserved,
No Part of the Publication may be reproduced, stored in a retrieval system or transmitted in any form or by any means of electronic, mechanical, Photocopying, recording or otherwise except for the inclusion of brief quotations in a review, without the prior permission of the Centre for Igbo Studies, University of Nigeria Nsukka